«Facía un día precioso e por iso os pais da pequena Iria decidiron facerlle a festa de aniversario no xardín e adornárono con moitos globos. Pero un grupo de globos de cores escaparon aproveitando que todos estaban ocupados preparando a festa» O globiño viaxeiro é un conto infantil escrito en galego pola escritora Mª del Carmen cores Rey, e ilustrado pola nena de 6 anos Nahír Núñez Sánchez. Este é un libro especial pois é o primeiro conto infantil que editamos e ten varias peculiaridades que o fan moi atractivo para os lectores. Ademáis dos debuxos infantís e unha fermosa historia de amizade e axuda, o libro está impreso con letras maiúsculas, o que facilita a aprendizaxe da lectura para os máis cativos da casa.
